SpaceX жана Tesla компанияларынын негиздөөчүсү Илон Масктын мурдагы сүйлөшкөн кызы Женнифер Гвин миллиардердин сүрөттөрүн аукционго койду. Аларда провокациялык эч нерсе жок. Бул жаш жигиттин катардагы сүрөттөрү 1994-1995-жылдары тартылган.

Женнифер Гвин бир сүрөттү 100 долларга баалайт. Кошумчалай кетсек, Гвинн кичинекей изумруд ташы бар алтын мончокту жана Илон Маск туулган күнүнө белек кылган картаны сатыкка койгон. Финансылык кыйынчылыктар аялды мындай кадамга барууга аргасыз кылган. Ал уулунун окуусу үчүн акча чогултууга аракет кылып жатканын мойнуна алган.

Гвин көп жылдар бою миллиардердин сүрөттөрүн жана белектерин сатууга батынбай сактап жүргөнүн мойнуна алды, бирок Илон Масктын ысымы массалык маалымат каражаттарынын алдыңкы беттеринен чыкпай калгандыктан, азыр бул үчүн эң ылайыктуу учур деп ойлоду.

Гвин азыр Масктын бактылуу экенине ишенбейт.

"Азыр анын айткандарынын көбүнө кошулбайм. Мени туура эмес түшүнбөңүздөр, ал гениалдуу. Мен жөн гана ал сүйүү издеп жатат деп ойлойм. Менин айткандарыма маани бербейт деп ишенем, мен анын бир аз бактылуу болушун каалайм. Менимче, ал бир нерсе табууга аракет кылып жатат. Мен жашоомо абдан ыраазымын, бирок ал өзү жөнүндө да ошону айта алабы, билбейм", - дейт.

Женнифер менен ажырашкандан көп өтпөй Илон Маск Джастин аттуу бийкечке үйлөнгөн. Экөөнүн ортосунда беш бала бар. Бүгүнкү күндө Forbes журналынын маалыматы боюнча Илон Масктын байлыгы 262,9 миллиард долларды түзөт.

Булак: NazarNews.kg