Мурдагы башкы прокурор Индира Жолдубаева «Белизгейт» операциясы боюнча сурак берүүдө. Атамбаевдин доорунда УКМКнын төрагасы Абдил Сегизбаевдин «Белиз өлкөсүнөн келген» деген документ менен Өмүрбек Текебаев, Алмамбет Шыкмаматов жана Аида Салянова караланган.

Ал кездеги үч депутат «Мегакомдун» акцияларын сатууга түзүлгөн трасстык декларацияга тийешеси бар экенин айтылган эле.

Аныгында, бул аракет каралоо катары кабылданып, фактылар чыккан эмес. Мамлекеттик деңгээлдеги көз будамайлоого Абдил Сегизбаев, Индира Жолдубаева айыптуу катары кабарланган. Учурда «Белизгейт» боюнча иш козголуп, тергөө жүрүүдө. Абдил Сегизбаев темир тор артында, эми Индира Жолдубаеваны да камашса, түрмөдөгүлөр алакан ушалап тосуп алышабы?

Булак: Азия News гезити