Өткөн аптада инфекция диагнозу коюлган Түркиянын президенти Тайип Эрдоган жергиликтүү телеканалдар аркылуу өзүн жакшы сезип жатканын жана шайлоо программасынын алкагында иштей баштаганын билдирди, деп жазат Sabah.

«Мен өзүмдү абдан жакшы сезип жатам. Митингдерди өткөрүүдө тыныгуу алган жокпуз, программаны толугу менен калыбына келтирдик», - деди ал.

Белгилей кетсек, 25-апрелде Режеп Тайып Эрдоган түз эфирде маек берип жатып өзүн жаман сезген. Айрым маалымат каражаттары анын жүрөгү кармап калганын жазышкан. Кийинчерээк президенттин өкүлдөрү муну четке кагышты. Эрдогандын ден соолугунун начарлашынын расмий себеби ашказан оорусу деп аталды. Эртеси дарыгерлердин кеңеши менен ал бардык коомдук иш-чараларды токтоткон.

Ооругандан кийин 69 жаштагы Режеп Тайып Эрдоган онлайн режиминде бир нече расмий иш-чараларга катышкан. 29-апрелде Эрдоган оорудан кийин биринчи жолу эл алдына чыгып, ал эми 30-апрелде алгачкы шайлоо митингин өткөрдү.

Erdoğan'ın katıldığı canlı yayın aniden kesildi, 'Eyvah eyvah' sesleri duyulduhttps://t.co/Fd51vdsHgT

— Cumhuriyet (@cumhuriyetgzt) April 25, 2023

Түркияда президенттик шайлоо 14-майда өтөт.

Булак: NazarNews.kg