Ирандын ички иштер министринин орун басары Мажид Мирахмади Ирандын бийликтери Ирак менен чек арадагы өткөрүү пункттарынын ишин токтотту. Мындай чечим Багдадда башталган тополоңдун фонунда кабыл алынды. Иран бийлиги да өз жарандарын эвакуациялоо үчүн Иракка чукул рейс уюштурууда.

Иран элчилиги өз жарандарын Багдадга, ошондой эле Кадхимия жана Самарра шаарларына баруудан баш тартууну өтүндү, деп билдирет Ирна маалымат агенттиги. Ирандын Имам Хомейни эл аралык аэропорту айрым авиакомпаниялар да Ирактын баш калаасына каттамдарын токтотконун жарыялады.

Кечээ, 29-августта шийит имамы Муктада ас-Садрдын тарапкерлери Ирак өкмөтүнүн Багдаддагы штаб-квартирасына чабуул коюуга аракет кылышты. Ошол эле күнү Ирактын коопсуздук күчтөрү парламент имаратын кайрадан көзөмөлгө алууга жетишкен. Кагылышуу учурунда 30дан ашык адам өлүп, 700дөйү жарадар болгон. Бириккен Улуттар Уюмунун баш катчысы Антониу Гутерриш Ирактагы жаңжалдын тараптарын деэскалациялоого чакырды.

Булак: NazarNews.kg