1979-жылдагы Ислам революциясынан кийин дароо шайланган Ирандын биринчи президенти Аболхасан Банисадр 88 жашында каза болгон. Бул тууралуу IRNA маалымат агенттиги билдирди.

Республиканын экс-лидери узакка созулган оорудан кийин Париждин Сальпетрье ооруканасында каза болгон. Ирандын экс-президентинин өлүмү тууралуу билдирүүнү бир туугандары ырастады. Ал эми француз маалымат каражаттары Банисадрдын өлүмү тууралуу азырынча маалымат бере элек.

Аболхасан Банисадр 1933-жылы 22-мартта Хамедандын Багчех шаарында туулган. Ал 1980-жылдын башынан 1981-жылдын ортосуна чейин Иран лидери болгон. Ал 1981-жылдын 20-июнунда парламенттик добуш берүүдө «ислам диниятчыларына каршы багытталган иш -аракеттери үчүн» деген сөздөр менен импичмент жарыяланган.

Ошол эле жылдын 1-июлунда ал расмий түрдө кызматтан алынган. Ирандан качкандан кийин Францияга баш калкалаган. Акыркы төрт жыл ичинде ал Иран тууралуу активдүү макалаларды жазып, ислам режимине жана анын лидерлерине каршы сүйлөп келген.

Эске салсак, буга чейин Алжирдин экс-президенти Абделазиз Бутефликтин өлүмү да белгилүү болгон. Ал 85 жашында каза болгон. 2013-жылы Бутефлик инсультка чалдыгып, эл алдына сейрек чыккан.

Булак: NazarNews.kg