Бүгүн, 27-майда Жогорку Кеңеште жаңы депутат Нургазы Айдаров ант берди. Айдаровго депутаттык мандат кечээ, 26-майда тапшырылган. Ал Исхак Масалиевдин ордуна келди.

Белгилей кетсек, Нургазы Айдаров "Кыргызстан" фракциясынан депутат Салайдин Айдаровдун бир тууганы болот.

Эске сала кетсек, 21-майда Жогорку Кеңештин депутаты Исхак Масалиев мандатын тапшыра турганын жарыялаган. Ал коомчулукта өкмөттүн, парламенттин, спикердин ишин сындагандар көп болуп жатканын айткан. Ошону менен катар эле ал парламентте, өкмөттө бардык депутаттарга бирдей мамиле болбой жатканын кошумчалаган.

Булак: NazarNews.kg