Камчы Көлбаев 22-мартка чейин камакта болот
Кылмыш жана кырсык  |   |  491

Биринчи май райондук соту кримавторитет Камчы Көлбаевдин баш коргоо чарасынын мөөнөтүн узартты. Бул тууралуу Биринчи май райондук сотунун маалымат кызматы бүгүн, 24-февралда жергиликтүү маалымат кажаттарынын бирине билдирген.

Маалыматка ылайкы, Көлбаев 22-мартка чейин №47 түзөтүү колониясында камакта калтырылды. Мындай чечим 17-февралда чыккан.

Көлбаев 2020-жылы 22-октябрда Бишкек шаарында кармалган. Ал алгач УКМКнын абагына камакка алынып, кийинчерээк №47 түзөтүү колониясына которулган.

Көлбаев УКМК тарабынан Жазык кодексинин 249-беренесиндеги (Кылмыштуу уюмду түзүү же ага катышуу) кылмышка шектелип кармалган.

Булак: NazarNews.kg

Поделитесь с друзьями