Кечээ, 9-августта, экс-депутат Камчыбек Ташиевди “Манас” аэропортунун күтүү залынан журналисттер көрүп, сүрөткө тартып алышкан. АКИпресстин журналисти аны алгач сүрөткө тартып, анан: “Бабановду күтүп жатасызбы?”, - деп сураган. Ал жок деп жооп берип, Жалал-Абадга учуп жатканын, азыр ал саясатта эместигин айткан.

“Бабанов келээр күнү, болгондо да ошол убакта Жалал-Абадга учуп жатканын, ага чейин экөө саясатта дос экенин жазышып, чогуу түшкөн сүрөтүн далай эле жайгаштырышкан эле, аны эмнеге танып койду?”, - деп жазган кесиптешибиз.

Ооба, туура, анын эмнесин танды, тоссо тосуп барганын ачык эле айта бербейби? “Саясатта эмесмин” дегени менен саясатты соцтармактарга жазып эле жүрбөйбү, муну уккан эл күлбөйбү?...

Булак: NazarNews.kg