“Өнүгүү” партиясы тантып сүйлөгөн эл агартуу отличниги Икрам Тазабековду кошпогондо башка партияларга салыштырмалуу “Бир жеңден кол, бир жакадан баш” чыгарып келаткандай. 2015-жылы“Өнүгүү” партиясы биринчи ирет айкашкасын “жарышка” алып чыгып, коммунист Исхак Масалиевди өз тизмесине кошуп алышкан. Акыркы күндөрү Исхак Масалиевдин катуу добуш менен парламенттен кеткени, бул коммунисттик партиянын добушубу же “Өнүгүү” партиясынын добушубу айырмалай албай көпчүлүктүн башы маң. Келе жаткан парламенттик шайлоодо да “Өнүгүү” партиясы “кой десе, болбой” таскактайт. Эгер парламенттик босого жети пайызга төмөндөсө, парламентке кыпчылып, чоң саясий интригаларга аралашышы мүмкүн.

Азизбек КЕЛДИБЕКОВ, NazarNews.kg