Акыркы учурда борборубуз Бишкек айылга айланып бара жаткандай эле. Бул тууралуу мурдагы мэр Нариман Түлеев бир нече жолу айтты. Тилекке каршы колунан коко келбегендер «мен мэр болот элемин» деп, айкыргандар дагы болбой койгон жок. Кыскасы, мамлекет азырынча «бардак» коомчулук талап кылгандан башканы билбейт.

Бүгүн шаардык мэриянын өкүлү Жамалбек Ырсалиев:

--Ыйык жума күнүңүздөр менен. Таң атпай мага бир туугандардын бирөө жазыптыр. Колунан башка иш келбесе тазалайт да деп. Чын эле. Колубуздан булгаган келбесе тазалайбыз да. Ар бир кызматкер (дворник) менен сыймыктанабыз. Какшап жазып да айтып да келе жатам. Бир метр квадрат жерди 8(сегиз) тыйындан шыпырып тазалап жаткан дворниктердин бетинен өөп турсак жарашат. Буюрса, айлык менен иштегидей кылалы деп аракет кылып жатабыз. Айлык акысын көтөрүп алсак сонун болот.

Антпесе, азыркы Тазалыктын кызматкерлеринин айлыгын эсептеш үчүн ментальный арфиметканын кереги жок. Бир метр квадрат 8 тыйын 10 метр квадрат 80 тыйын. 80 сом табыш үчүн канча квадрат жер шыпырыш керек?... 800 сом же 8000 сом үчүн канча жер шыпырат?... Тазалыкты сактайлы достор. Ар бир адам таштанды ыргытканда ойлонуп туруп таштаса. Мен мекенимди сүйөм. Анда эмнеге булгашым керек? Менин мекенимдин тазалыгына кошкон салымым ушул болсун деп туруп таштанды челекке салып койсоңуз кандай сонун болот.

Жакшы сөз арнашалы достор! Адамга жакшы сөз дем, күч-кубат берет, - деди.

Булак: NazarNews.kg