Коомдук транспортторду жумушка чыгардын алдында дезинфекциялап жатышат. Мындай көрүнүш калаадагы сасык тумоо басаңдагыча уланат. Бул тууралуу мэриянын Капиталдык курулуш башкармалыгынын маалымат кызматы билдирди.

"Сасык тумоону алдын алуу максатында каттамга чыгаардын алдында ар бир коомдук транспорт атайын кошулмалар менен тазаланып, дезинфекцияланып турат. транспорттун кармагычтары, отургучтары жана рульдарынан бери нымдуу чупүрөк менен сүртүлөт" - деп жазылат маалыматта. 

Сасык тумоо эл көп жүргөн жерлерде адамдарга аба аркылуу жугуштуу оору. Ал эми коомдук транспорт бул оорунун өрчүшүнүн өболгөсү болуп саналат.

Булак: NazarNews.kg