Касиети күчтүү элдик дарыгер Нургазы мырзага учурда ичкиликтин чеӊгээлинен чыга албай калганда жардам сурап кайрылгандардын саны абдан көп экендигин баса белгилеп кетмекчибиз. Нургазы мырза бул тууралуу бизге төмөндөгүдөй маалыматтарды айтып берди.

--Нургазы мырза, бүгүнкү күндө сизге аракты таштай албагандар көп кайрылып жатышса керек...

--Учурда ичкиликтин курамында химиялык элементтер көбөйүп кетти. Мына ошол кошундулар 300 граммдан ашык ичкенден кийин адамдын организмин уулантып баш ооруну пайда кылат. Кан коюланып жүрөктүн согушун начарлатат. Бирт эле учурда бөйрөк, боор дагы уулана баштайт. Көп ичкен адамда “пахмел” деген наркотик сыяктуу организмди талкалоочу каражаттар (ломка) пайда болот. Мына ошол “ломкадан” чыгыш үчүн айласы жок улам 3-4 саатта 100-150 грамм ичип өзүнө ооруну басаӊдатуучу зат катары кабыл алып жатат. Эми мындан кутулса деле баягы “браганы” жасаганда анын ичинде бактерия, вирус сыяктуу мителер (паразит) пайда болот. Бул баары бир молекула сыяктуу болгондуктан спирт организмге жеткенде адамдын денеси вируска толуп калгандыктан, алардын курсагы ачканда ичкилик ичип калган адам айласы жок ичүү жөнүндө ойлойт. Ошентип ал кайрадан ичкенин уланта берет. Экинчи жагынан ичкиликтин өзүнүн жин-шайтандары, азыткылары, алардын өзүлөрүнүн жашаган көзгө көрүнбөгөн ордолору болот. Эгер ошондой жайларды байырлаган көп жыл ичкен адамдарга аралашып калган жаӊы эле ичкен адам болсо, анда аны деле жин-шайтандар ноктолоп, жетелеп алышат. Андан сырткары ичкиликтин мени ичсин, акылынан ажырасын, кыйналсын, оорусун деген өзүнчө дуба катары пргораммасы болот.

--Эгер ичкенин токтотпогон адам өз учурунда дарыланбаса акыры эмне болот?

--Ичкен адам дарыланбаса “бомждун” (селсаяк) илешмесине дуушар болуп калат. Анткени “бомж” болуп өткөн адам өмүрүндө эч даралангысы, эч кимди уккусу келген эмес. Эми ичкенин токтото албагандарга дуба окуу менен дары жасап берүү жана күчтүү гипноздор аркылуу жардам берилет. Анан ичкен адамдардын көпчүлүгү момун адам болсо булардын иш жолдорун кошо ачып койсоӊ кийин иштери оӊолуп, ичкилик тууралуу каалоолору жоголот. Ошон үчүн адам өзүн карманышы керек.

--Ал эми тамекини көп чеккендер бул адаттан кантип арылса болот?

--Тамекинин өзүнүн сеансын, гипнозун жасап, кайнатма чөптөрдөн аралаштырып дарысын жасап бериш керек. Анан эки жумадан кийин адамдын тамекиге табити тартпай организми кабыл албай калат.

 Булак: Нурислам Кабакбеков, NazarNews.kg