Кытай менен Австралия эки тараптуу мамилелерди мындан ары турукташтыруу жана чыңдоо максатында ар кандай деңгээлдеги институттук кызматташтыкты өнүктүрүүгө убада беришти. Мындай маалыматты NazarNews агенттигине кытайлык CCTV plus агенттиги билдирди.

Бул тууралуу Кытайдын тышкы иштер министри Цин Ган менен Австралиянын тышкы иштер министри Пенни Вонг 2-мартта Индиянын борбору Нью-Делиде “G20” жыйынынын алкагындагы жолугушууда билдиришти.

Цинь Гандын айтымында, Кытай менен Австралия Балидеги жолугушууда эки өлкөнүн лидерлеринин ортосунда жетишилген маанилүү макулдашууларды ишке ашырып, бири-биринин негизги кызыкчылыктарын жана маанилүү тынчсызданууларын туура урматтап, эки тараптуу мамилелерди турукташтыруу жана жакшыртуу боюнча позитивдүү тенденцияны жогору баалашы керек.

Тараптар буга чейин дипломатиялык жана соода-экономикалык маселелер боюнча институционалдык диалогду жана консультацияларды кайра башташты жана ар кандай деңгээлдеги диалогду жана байланыштарды өнүктүрүүнү улантуу зарыл экенин белгилешти.

Тараптар пикир келишпестиктерди туура баамдап, туура кабыл алуучу зарыл,  ошондой эле өз ара акылга сыярлык тынчсызданууларды чечиши керек.

"Биз Австралия инвестиция салган жана бизнести өнүктүрүүчү кытай ишканалары үчүн адилеттүү жана басмырлоосуз бизнес чөйрөсүн камсыздайт деп үмүттөнөбүз",-деди Цин Ган.

Өз кезегинде Пенни Вонг Австралия-Кытай мамилелер эки өлкөнүн тең кызыкчылыктарына жооп берерин баса белгиледи. Австралия эки өлкөнүн ортосундагы пикир келишпестиктерди жөнгө салууга өз милдеттенмесин улантат.

Кытай соода-экономикалык жана инвестициялык кызматташтыгынын эки тарапка тең пайдалуу экенин белгилеген Пенни Вонг Австралиянын кытай инвестициясын кубаттай турганын жана кытай ишканалары үчүн басмырлоосуз шарттарды камсыздай турганын айтты.

Кытай дүйнөдөгү тынчтыкты, стабилдүүлүктү жана гүлдөп-өнүгүүнү илгерилетүүдөгү негизги күч жана Австралия Украина кризисин жөнгө салууда маанилүү роль ойнойт деп үмүттөнөт.

Цинь Ган Украина маселеси боюнча Кытайдын позициясынын маңызы тынчтык сүйлөшүүлөрүнө көмөктөшүү экенин баса белгиледи.

Кытай башынан эле ок атышууну токтотууга жана кризисти дипломатиялык сүйлөшүүлөр аркылуу саясий чечүүгө чакырган. Бул максатка жетишуу учун КЭР мындан ары да конструктивдуу роль ойной берет.

Булак: NazarNews.kg