12-июнда Кытайдын төрагасы Си Цзиньпин Кытай лидеринин чакыруусу менен 9-14-июнь аралыгында Кытайда мамлекеттик сапар менен жүргөн Гондурастын президенти Ирис Сиомара Кастро Сармиенто менен сүйлөшүүлөрдү жүргүзгөндөн кийин Кытай менен Гондурас биргелешкен билдирүү жасашты. Бул тууралуу NazarNews маалыматтык агенттигине Кытайдын CCTV plus агенттиги билдирди

Билдирүүгө ылайык, эки тарап тең бир добуштан Кытай менен Гондурастын ортосунда “бир Кытай” принцибинин негизинде дипломатиялык мамилелердин түзүлүшү эки тараптуу мамилелердин тарыхында жаңы баракты ачты жана эки тараптуу мамилелердин түпкү таламдарына ылайык келет деп бир добуштан эсептешет.

Тараптар ошондой эле БУУ өзөгү болгон эл аралык системаны, эл аралык укукка негизделген эл аралык тартипти, БУУнун Уставынын максаттарына жана принциптерине негизделген эл аралык мамилелердин негизги нормаларын биргелешип колдоого жана чыныгы көп тараптуулукту сактоого милдеттеништи.

Билдирүүдө Гондурас тарап “бир Кытай” принцибин бекем колдой тургандыгын жана аны катуу карманып, “Тайвандын көз карандысыздыгы” деп аталган нерсеге жетишүүгө багытталган сепаратисттик ишмердүүлүктүн ар кандай формасына, ошондой эле башка аракеттерге чечкиндүү түрдө каршы тураарын баса белгиледи.

"Биз жакында эле Кытай Эл Республикасы менен Гондурас Республикасынын биргелешкен билдирүүсүн чыгардык. Бул эки өлкөнүн биринчи биргелешкен билдирүүсү жана ал Кытай-Гондурас мамилелерин өнүктүрүү үчүн маанилүү багыттоочу документ болуп саналат. Билдирүүдө. Кытай-Гондурас мамилелери боюнча, ошондой эле эки тарапты кызыктырган эл аралык жана аймактык маселелер боюнча эки тарап жетишилген маанилүү консенсусту белгилейт.

Мындан тышкары, кийинки этапта эки тараптуу мамилелерди өнүктүрүү жана түрдүү тармактарда кызматташуу боюнча пландар белгиленген. Сүйлөшүүлөрдөн кийин эки мамлекет башчылары биргелешип 17 кызматташтык келишимине кол коюу аземине катышты, анын ичинде “Бир алкак, бир жол” демилгесин биргелешип ишке ашырууга, ошондой эле саясат, соода-экономика, , айыл чарбасы, илим жана техника, маданият жана билим берүү сапатты көзөмөлдөө өңдүү тармактарда кызматташууну бекемдөө.

Президент Ирис Сиомара Кастро Сармьентонун азыркы сапары тарыхты жазган, достугубузду чыңдаган жана өз ара ишенимди арттырган сапар болуп калды десек болот. Кытай менен Гондурастын ортосундагы мамилелер узак мөөнөттүү келечекте ырааттуу түрдө өнүгүп, жаркын келечекке багыт алаары шексиз”, - деди Кытайдын Тышкы иштер министрлигинин Латын Америкасы жана Кариб деңизи боюнча департаментинин башчысы Цай Вэй.

Белгилей кетсек, бул Гондурастын президентинин Кытайга быйылкы жылдын март айында эки өлкө ортосунда дипломатиялык мамилелер түзүлгөндөн берки биринчи мамлекеттик сапары.

Булак: NazarNews.kg