1-июнда түштөн кийин Ляонин провинциясынын (Түндүк-Чыгыш Кытай) бир нече айыл аймагында торнадо пайда болуп, ондогон турак жайга жана жүздөгөн гектар эгинге зыян тийди. Бул тууралуу NazarNews маалымат агенттигине кытайлык CCTV plus агенттиги билдирди.

Кырсыктан кийин дароо өзгөчө кырдаалдар жана өрт өчүрүү кызматкерлери, электриктер менен капиталдык оңдоочулар жана коомдук коопсуздук кызматкерлери Тилинг шаарынын Цзиньоузи шаарчасына жөнөтүлүп, дароо куюндун кесепеттерин жоюу иштерин башташты.

Бул айылда күчөгөн элементтердин кесепетинен 13 адам жабыркап, 60тан ашык үй жана дээрлик 300 гектар эгинге зыян келтирилген. Жабыркагандардын баардыгы ооруканаларга жеткирилип, дарыланышкан.

Фусин шаарындагы Си Хуан кыштагында торнадо 40тан ашык турак жай имараттарын жана 10 чарбанын айыл чарба объектилерин жараксыз абалга келтирип, 200дөн ашык адам жабыркады. Табигый кырсыктын кесепетинен бактыга жараша эч ким жабыркаган эмес.

Торнадо, ошондой эле, Фусин шаарынын негизги көчөлөрүнүн биринин боюндагы бир нече турак жайларды каптады. Жергиликтүү бийлик жабыркагандар тууралуу маалымат жок экенин белгилешти.

Булак: NazarNews.kg