Чүй аксакалы Камил Умаров: Менин чоң атам Өмөрдүн атасы Абдраман Байтиктин багып алган уулу болгон. Канайдын үчүнчү аялынан төрөлгөнү үчүн, Байтик өз алдынча өскөн, бирок кийин жолдош-жоролорун бириктирип-тарбиялап чыгып, атасы Канайдан бийликти сурап алган. Кийин Жангарачтын көңүлүн алып, анын батасына татыганда, Жангарачтын эки ийнинде отурган жолборс менен илбирс Байтиктин ийнине секирип өтүп кеткен деп айтылат. Байтиктин аты Кер-Кашка дагы чыныгы тулпар болгон жана кийин Байтиктин ашындагы ат-чабышка катышып, 20 асыйында утуп чыккан дегенди да уктум эле...