Кыргыз эли залкар уулунан ажырап, томсоруп турат!

Журналист: NAZARNEWS

06.02.2019, 2:28

26008

коом

Мамлекеттик, партиялык жана коомдук ишмер Корчубек Акназаров дүйнө салды. Кылымга тете өмүр сүрүп, бүткүл жашоосун Кыргыз Элинин жаркын келечегине арнаган атабызга Элибиз таазим кылуу менен орду толгус жоготууга терең кайгырууда.

Корчубек атабыздын Кыргызстандын булуң бурчунда жетекчилик кызматтарда үзүрлүү эмгектенип, өнүгүшүнө зор салым кылганы тарыхта алтын тамгалар менен жазылып калат деп, ишенебиз. Атабыздын аягына чыкпай калган иштерин шакирттери улантып кетээринде шек жок.

Дүйнөдөн далай эр өткөн.

Манастай баатыр шер өткөн.

Аты калып изи жок,

Нечен деген эл өткөн.

Бул дүйнө жалган турбайбы.

Артына таштап муңкайгы.

Атакка, даңкка карабай,

Шум ажал алат турбайбы.

Эмгектин болгон баатыры.

Элине сиңген кадыры.

Партиялык кызматкер,

Тааныган Элдин баардыгы.

Акназаров Корчубек,

Абабыз дүйнө салыптыр.

Бир жагы болсо караңгы,

Бир жагы дүйнө жарыктыр.

Элине кылган эмгеги,

Элине калса тарыхтыр.

Эмгектен эли эскерсин.

Абабыз баатыр болгон деп,

Элимде дайым эстелсин.

Абабыздын жаткан жери жайлуу, топурагы торко болсун. Ыйманы жаннатта, жанында “жолдош” болсун! Абабыздын үй-бүлөсүнө, жакын туугандарына көңүл айтып, азасын тең бөлүшөбүз!

ТАЛАС ЭЛИ. Кабыланбек Балкыбеков (Ай-Тамга)

“Акыйкат” кыймылынын төрагасы А.Анарбаев (Умар) 5.02.2019-ж.

Булак: NazarNews.kg