Үстүбүздөгү жылдын алгачкы үч айынын жыйынтыгы менен Кыргызстан 2 тонна 69 килограмм күмүш экспорттогон. Бул тууралуу Статистика комитетинин маалыматында айтылат.
Былтыркы жылдын ушул эле мезгилинде 2 тонна 932,4 килограмм чыгарылган. Бирок наркын карай келгенде экспорттун көлөмү жогорулаганын байкоого болот. Былтыркы жылдын I кварталында 1 миллион 640 миң долларга сатылса, быйыл 1,7 миллион доллардан ашкан.

Экспорттун көлөмү эмнеге төмөндөп кеткени айтылган жок.

Белгилей кетчү жагдай, алтын сырт жакка мындан да азыраак чыгарыла баштады. Мунун баары бир катар көйгөйлөр менен байланыштуу экени айтылууда. Анын ичинде ушу тапта "Кумтөр" кенинин алтыны аз жери өздөштүрүлүп жатканы да бар.

Булак: NazarNews.kg