Кыргызстандын Энергетика жана өнөр жай министри Кубанычбек Турдубаев Орусиянын Энергетика министри Николай Шульгинов менен жолукту. Бул тууралуу Кыргызстандын Орусиядагы элчилиги билдирди.

Жолугушуунун жүрүшүндө тараптар энергетика тармагындагы, анын ичинде Кыргызстандагы гидроэнергетикалык объектилердеги кыргыз-орус кызматташтыгынын учурдагы абалы, ошондой эле эки тараптуу кызматташууну тереңдетүүнүн жана өнүктүрүүнүн келечеги талкууланды.

Тараптар өз ара пайдалуу кызматташтыктын актуалдуу маселелерин илгерилетүү боюнча тыгыз байланыштарды улантууга кызыкдарлыгын билдиришти.

Булак: NazarNews.kg