Алты ай ичинде Архитектура, курулуш, турак жай-коммуналдык чарба мамлекеттик агенттигинен 47 кызматкер иштен алынган. Бул тууралуу журналисттерге аталган департаменттин директору Нуртазин Жетыбаев билдирди.

Анын айтымында, аталган мекемеде ар кандай коррупциялык фактылар аныкталган.

"Ар кандай беренелер боюнча иштер жүрүп жатат. Буга чейин "Бишкекзеленхоздо" иштеген мурдагы башкы эсепчи документтер менен алдамчылык кылган. Биздин мамлекетке 6 миллион сомго жакын зыян келтирилген. Ар кандай подряддык компаниялар менен келишим түзүүгө катышкан кызматкерлер бар. Андан тышкары Мамкурулуштун кызматкерлери менен сүйлөшүп алып ушундай мыйзамсыз аракеттер болуп жатат, биз бул ишти мындан ары да күчөтөбүз", - деди ал.

Булак: NazarNews