Мамлекеттик карыз, анын ичинен тышкы карыз рекорддук көрсөткүчтөрүн жаңылады. Мындай жыйынтыкты Каржы жана экономика министрлигинин маалыматтарына анализ жасап чыгарса болот.

Январдын аягына карата мамлекеттик карыздын көлөмү 4 миллиард 954,1 миллион долларды түзгөн. Мурдагы рекорддук көлөм былтыркы жылдын аягында катталган. Анда карыз 4 миллиард 925,8 миллион доллар болчу.

Тышкы карыз быйылкы жылдын январь айына карата 4 миллиард 221,6 миллионду көрсөткөн. Ага чейинки рекорд (азыркыдан 3 миллионго аз болчу) 2020-жылдын ноябрь айында катталган.

Белгилей кетсек, былтыркы жылдын май айынан тарта тышкы карыздын көлөмү 4 миллиард доллардан ашкан.

Быйыл мамлекеттик карызды төлөөгө 37 миллиард 266 миллион сом жумшоо пландалууда. Бул рекорддук сумма.

Булак: NazarNews.kg