Окурмандын суроосу:

- Саламатсызбы! Машинаны техникалык паспорту менен сатып алгам. Дароо ишеним кат жаздырып алайын десем, унаанын ээси бошобой жатам, кийин жазып берем деп койгон. Кийин ал кишини таппай калдым. Жакында техникалык паспортту жоготуп алдым. Техникалык паспорттогу адамды социалдык тармактан издеп таап, ишеним кат жазып бер десем, "мен сага саткан эмесмин" деп койду. Эмне кылсам болот?

Эксперттин жообу:

Нурислам Раимжанов, "Справедливость" укук коргоо уюмунун юристи:

- Урматтуу окурман! Сиз автоунаанын документ боюнча ээси менен сүйлөшүп маселени чечүүңүз керек. Анткени автоунаанын документ боюнча ээси ошол адам. Машинаны айдап барып, ал адамга көрсөтүп, жагдайды туура түшүндүрүңүз. Көйгөйдү чечүүнүн эң оңой жолу ушул.

bilesinbi.kg