Москва шаарында туруп мекенинде массалык башаламандыктарды уюштурууга, бийликти күч менен басып алууга чакырык жасаган кыргызстандык кармалып, Жалал-Абадга алып келинди. Бул тууралуу УКМКнын маалымат кызматынан кабарлады.

"К.Н.К. аттуу 37 жаштагы киши өлкөдөн тышкары жүрүп тенденциялуу, чагымчыл маалыматтарды, анын ичинде массалык башаламандыкка жана андан кийин бийликти күч менен кулатууга/басып алууга чакырыктарды жарыялаган. Ал мамлекеттик жана мамлекеттер аралык издөөгө алынган", — деп айтылган маалыматта.

Россиядан алып келинген К.Н.К. 2023-жылдын 20-ноябрына чейин УКМКнын Жалал-Абад облусу боюнча башкы башкармалыгынын тергөө абагына киргизилген.

Атайын кызматтан бул иш боюнча тергөө жүрүп жаткандыгын кошумчалашты.

Булак: NazarNews.kg