Президенттик шайлоонун астында Ош ОИИБ начальнигинен Малик Нурдинов алынган. Кыңыр иштерине үңүлгүчө олуттуу суроолорду жараткан айрым жагдайларга токтололу. Өмүр бою милиция кесибин аркалаган Малик Нурдинов Ак-Тилек кичирайонуна хансарай салганы, ошол эле Оштогу «Алтынай» кафесин кайда жашырат? Жакындарына жаздырып койсо эле кутулуп кетеби? Бишкектеги Бөкөнбаев-Манас проспектилеринин кесилишиндеги элиталык батирлеричи?

Айылына мечит курганын да кабарлашты. Айтоор, булар бизге жеткен куш тилиндей гана бүркүмдөрүбү? Нурдинов «кызыл шапкени» кийип алып, олигархчасынан байыса болоорун көрсөтүп койдубу? Тыкыр тескөөсүз, тартипсиз өлкөдө укук коргоочулар карапайым элдин жонунан кайыш тилишип, көпөстөргө айлана беришеби? Качанкыга чейин?

Булак: Азия News гезити