Саламаттыкты сактоо жана социалдык өнүктүрүү министри Алымкадыр Бейшеналиев Тышкы иштер министрлигинин Консулдук кызмат департаментинин директорунун орун басары Бахтияр Шакиров коронавируска каршы вакцина алгандыгын тастыктаган жок.

«Азыр биз ар бир эмделген адамдын атын билебиз. Алардын бардыгы дарыгерлер. Азырынча башка мекемелердин кызматкерлерине эмдөө жасай элекпиз», - деди министр «Биринчи радионун» эфиринде суроолорго жооп берип жатып.

Саламаттыкты сактоо жаатындагы эксперт Елена Баялинова социалдык тармакта, Шакировдун туугандарына шилтеме берүү менен ал биринчилерден болуп эмделгенин айткан.

Булак: NazarNews.kg