Украиналык аскерлер Орусиянын туткунга түшкөн аскер кызматкерлерин атайын өлтүрүшкөн. Мындай маалыматты өлкөнүн Коргоо министрлиги өзүнүн Telegram-каналына жазды.

"Киев режиминин аскердик туткундардын укуктары бирдиктүү корголууда деген нерсенин фонунда Украинанын куралдуу күчтөрүндөгү макулуктардын Орусиянын каршылыксыз турган ондон ашык аскер кызматкерлерин атайылап башка атып өлтүрүшүн эч ким "кайгылуу окуя" катары элестете албайт", — деп жазган ал.

Ошондой эле ал Украинанын туткунга түшкөн аскерлери Женева конвенциясынын бардык талаптарына шайкеш келген шартта кармалып турганын кошумчалаган.

Коргоо министрлиги мындай мыкаачылык менен адам өлтүрүү биринчи жолу болуп жаткан аскердик кылмыш эмес экендигин, Украинанын куралдуу күчтөрү байма-бай колдонгон практика болуп калганын, бирок аларга дайыма кол сунуп келген батыш муну такыр байкабай жатканын белгилеген.

"Тарых сотунун, Орусия жана Украина калкынын алдында Зеленскийге жана анын жакын жардамчыларына ар бир кордолгондор, туткунда өлтүрүлгөндөр үчүн жооп берүүгө туура келет", — деди Коргоо министрлигинен.

Украинанын куралдуу күчтөрү туткунга түшкөн орусиялык аскерлерди аткылап жаткан видео бүгүн интернет тармагына тарады. Президенттин алдындагы Жарандык коом жана адам укугу боюнча өнүгүү советинин төрагасы Валерий Фадеевдин маалыматы боюнча, окуя Макеевка шаарында болгон.

Ал бул окуяны оор кылмыш деп атап, эл аралык иликтөө жүргүзүүнү талап кыларын айткан. Фадеев бул видеону БУУнун адам укуктары боюнча Жогорку комиссарына, ЕККУга, Европа Советине, Amnesty International жана Кызыл Крест эл аралык комитетине, дагы башка уюмдарга жөнөтө тургандыгын маалымдаган.

Булак: NazarNews.kg