Москва шаарында полиция кызматкерлери мас абалдагы мигранттар менен мушташты. Полиция кызматкерлерин жергиликтүү тургундар чакырышкан. Жашоочулар турак үйдүн короосунда спирт ичимдигин ичип, тынчтык бербей жаткан жарандарга чара көрүүнү суранышкан.

Мас адамдар полиция кызматкерлерине документтерин көрсөтүүдөн баш тартышкан. Аларды полиция бөлүмүнө алып кетүүгө аракеттенишкенде, мас мигранттар каршылык көрсөтүп, сөгүнүп, укук коргоо органдарынын кызматкерлерине кол көтөрүшкөн.

Мындан улам полиция кызматкери тапанчасын колдонууга мажбур болгон. Тартип бузган мигранттардын бири кармалды. Экинчиси качып кетүүгө үлгүргөн. Ал эми полиция кызматкерлери тез жардам кызматын чакырышкан жана алар ооруканага жаткырылды.

Булак: NazarNews.kg