Орусия бир нече жылдан бери эң көп санкциялар киргизилген өлкө болуп калды. Бул тууралуу Castellum.AI санкцияларды көзөмөлдөө кызматы билдирди.

Маалыматка караганда, ушул жылдын 22-февралынан тарта Орусияга 2778 жаңы чектөө чаралары кошулган.

Белгиленгендей, 22-февралга чейин киргизилген чектөөлөрдү эске алуу менен 2014-жылдан бери Орусия Федерациясына 7-мартка карата жалпысынан 5532 санкция киргизилген.

Демек, Орусия артта келе жаткан Иран, Сирия жана КЭДРден алда канча алдыда.

Кызмат билдиргендей, Орусияга каршы эң көп санкцияларды АКШ (1194), Канада (908), Швейцария (824), ЕБ (766) жана Франция (760) киргизген. 

Булак: NazarNews.kg