Орусиянын «Газпром» компаниясы 1-сентябрдан тарта француз энергетикалык концернине жаратылыш газын берүүнү токтотот. Кечээ, 30-август күнү кечинде «Газпром Экспорт» ЖЧКсы учурдагы келишимдер боюнча июль айында франциялык тарапка жеткирилген чийки зат үчүн төлөмдөрдү толук алган жок, деп орусиялык компания комментарий берди.

«Газпромдун» чечими «жеткирилген газга каражат толук түшкөнгө чейин» күчүндө болот.

Ошол эле учурда Франциянын расмий өкүлдөрү Орусиядан келген газдын азайышын кескин сынга алышты. Франциянын энергетика министри Анес Пане-Рюнаше 30-августта Интер радиосуна берген маегинде Орусия газды курал катары колдонуп жатканы анык.

Анын айтымында, Франция эң жаман сценарийге — кышка чейин орус газын берүүнү толук токтотууга даярданып жатат. Күн мурун Engie өкүлдөрү «Келишим боюнча талаш-тартыштардан» улам «Газпром» газ берүүнү кыскартат деп күтүп жатышканын айтышкан.

Энергетика министрлигинин башчысы Франциянын газ кампалары 90 пайыздан ашык толуп калганын, өлкөнүн газ запасы «кадимки» кыштан чыгууга жетиштүү экенин кошумчалады. Анын айтымында, өлкө үчүн көнүмүш болбогон сууктан аман калуу үчүн электр энергиясын жана газды колдонууну азайтуу зарыл. Франциянын премьер-министри Элизабет Борне 29-августта компанияларды октябрь айына чейин энергияны үнөмдөө пландарын даярдоого чакырып, жетишсиздик болгондо биринчилерден болуп өнөр жай ишканалары жабыркай турганын, анткени бийликтер газ менен электр энергиясын бөлүштүрүүдөн башка аргасы калбай турганын баса белгиледи.

Орусиянын Украинага каршы масштабдуу аскерий агрессиясы башталгандан бери Франциянын Энгиге газ берүүсү кескин кыскарды. Бир күн мурун Энги компаниясынын өкүлдөрү Францияга энергия берүүнүн көлөмүн көбөйтүү боюнча алжирдик Sonatrach компаниясы менен сүйлөшүүлөр жүргөнүн ырасташты. Франция согушка чейин өлкөдө керектелүүчү жаратылыш газынын 17%ке жакынын Орусия Федерациясынан сатып алган.

Булак: NazarNews.kg