Орусиянын Ненец автономиялуу округунда Ан-2 жеңил учагы үшүктөн улам авариялык конууга мажбур болду. Бул тууралуу Орусиянын Өзгөчө кырдаалдар министрлиги билдирди.

"Баштапкы маалымат боюнча, учакта эки экипаж мүчөсү жана он жүргүнчү болгон. Окуя болгон жерге кар жүрүүчү унаалар жана тик учак менен жердеги топ жөнөтүлдү", — деп айтылат ӨКМнын билдирүүсүндө.

Окуянын кесепетинен эки адам каза болгону айтылууда.

Тирүү калгандардын бири Орусиянын тез жардам кызматына чалып, окуя тууралуу кабарлаган. Кырсыкка учактын тоңуп калышы себеп болгону айтылууда.