9-июнда “Ош” базарында коронавирус жуктурган учур катталды. Бул жер 15-июндан 17-июнга чейин дезинфекциялоо чаралары үчүн убактылуу токтотуу пландалууда.

Буга чейин дагы “Орто-Сай” базарынан коронавирус чыгып, ал дезинфекциялоо үчүн эки күнгө — 10-июндан 12-июнга чейин жабылган.

Дезинфекциялоо иштери Бишкек шаарынын башка базарларында да пландаштырылууда. Бишкек шаардык санитардык-эпидемиологиялык көзөмөл борборунун маалыматы боюнча, кийинки аймак — “Аламүдүн” базары. Бирок качан жабылары азырынча белгисиз.

Белгилей кетсек, акыркы күндөрү коронавирустун симптомдору бар адамдар Бишкектин медициналык мекемелерине кайрыла башташты. Алар эпидемиологиялык иликтөөнүн жүрүшүндө базарга барышканын билдиришкен.

Булак: NazarNews.kg