Кышында үйлөр жеткиликтүү жылыбай калса, жылуулук ишканаларынын жетекчилерине чара көрүлөт.

Бул тууралуу Ош шаарынын мэри Таалайбек Сарыбашов шаардык кеңештин сессиясында билдирди.

"Ош шаарында "хан сарайлар" ТЭЦтин, Жылуулук менен камсыздоо ишканасынан жылытылып жатат. Хан сарайларга уланган жылуулук системаларын үзүп салуу боюнча тапшырмалар берилди. Жылуулук баарына тегиз жетиш керек. Келечекте жаны курулган көп кабаттуу үйлөр өзүн-өзү жылытыш керек",-деди калаа башчысы.

Аталган ишканалардын жетекчилери тапшырма аткарылганын билдиришти.

Булак: NazarNews.kg