www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бүгүн, 5-июлда Жогорку Кеңештин Эл аралык иштер, коргоо жана коопсуздук боюнча комитетинин жыйынында Кыргызстандын Түркиядагы атайын жана толук ыйгарымдуу элчиси Кубанычбек Өмүралиевге карата сын-пикирлер айтылды.
Депутат Шайлообек Атазов тышкы иштер министринин орун басары Айбек Артыкбаевге элчинин жоопкерчилигин кароо керектигин айтты.
"Анкарада бир топ маданий иш чаралар болот. Ага кыргызстандык элчи катышпайт экен. Түркия бийлиги уюштурган иш чараларга барбай жатат. Элчинин жоопкерчилигин кароо зарыл. Түркиядагы кыргыздар элчиликтен жардам көрбөй жатканын айтышты", - деди Атазов.
Тышкы иштер министринин орун басары Айбек Артыкбаев Түркиядагы элчиге Израилдеги дипломатиялык иштерди да кошумча тапшыруу боюнча комитетке сунуш менен кайрылган эле.
Кубанычбек Өмүралиев 2019-жылдын март айынан бери Кыргызстандын Түркиядагы атайын жана ыйгарым укуктуу элчиси болуп иштеп келе жатат. Түркияда 25 миңден ашуун кыргызстандык жаран расмий каттоого алынган.
Булак: NazarNews.kg
< Предыдущий
Следующий >
Последние новости
