www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Билим берүү жана илим министрлиги Кадамжай райондук билим берүү бөлүмү берген маалыматка таянып, Кадамжай районунун Өрүкзар айылындагы Өрүкзар орто мектебинин 9-класстарынын окуучулары кабылган жол кырсыгы тууралуу билдирүү таратты.
Маалыматка караганда, кырсык 1-июнда болгон.
"Окуя болгон күнү "Hyundai Porter" автоунаасынын ичинде Өрүкзар орто мектебинин 9а-б-класстарынын окуучулары жана класс жетекчилери Г.Закирова, А.Үрүстөм кызы менен биргеликте виньеткага сүрөткө түшкөн. Андан кийин саат 18:30да Өрүкзар айылынын спорт аянтчасына барып "сүрөткө түшөбүз" деп А.Үрүстөм кызынын башкаруусунда автоунаага 25 окуучу чыккан. Жолдо автоунаанын борту сынып кетип, окуучулар жерге кулап түшкөн.
Кырсыктан улам 9 окуучу Кадамжай райондук жалпы дарыгерлер практикалык борборуна жеткирилип, 2 окуучу кыз жандандыруу бөлүмүнө жаткырылган. Учурда кыздардын абалы жакшы. Окуучу кыздар 6-июнда томографиялык текшерүүдөн өтүшөт", - деп айтылат маалыматта.
Белгилей кетсек, учурда жол кырсыгына кабылган окуучулардын окуясы боюнча тергөө иштери жүрүүдө. Тергөөнүн жыйынтыгына жараша мектеп администрациясына жана класс жетекчилерге тиешелүү чаралар көрүлөрү кошумчаланды.
Булак: NazarNews.kg
< Предыдущий
Следующий >
Последние новости
