Орусия Советтер Союзун кайрадан курууга умтулбайт. Бул тууралуу Орусия лидери Владимир Путин РФтин курамына жаңы төрт аймакты кабыл алуу боюнча келишимге кол коюуга арналган аземде сүйлөп жатып айтты.

РФ лидери 1991-жылы Беловежская пущасында ал кездеги партиялык элиталар элдин эркин сурабай, СССРди кулатуу чечимин кабыл алып, кишилер көз ачып-жумганча эле өзүнүн мекенинен ажырап, анын сыртында калганын айткан.

"Бул биздин элдин жалпылыгын бөлөк-бөлөк кылып, улуттук катастрофага айланды. Бирок Советтер Союзу жок. Өткөн нерсени кайрый албайсың, эми анын Орусияга кереги да жок. Биз буга умтулбайбыз деле. Бирок маданияты, салт-санаасы, тили, ишеними жагынан өздөрүн Орусиянын бир бөлүгү деп эсептеген миллиондогон эл үчүн чечкиндүүлүктөн өткөн күчтүү эч нерсе жок", — деген Путин.