29-сентябрда Орусиянын президенти Владимир Путин менен Түркиянын президенти Режеп Тайып Эрдоган телефон аркылуу сүйлөштү. Сүйлөшүү учурунда мамлекет башчылары Украинадагы кырдаалды талкуулашкан.

TRT Haber телеканалынын маалыматына ылайык, Эрдоган Орусия менен Түркиянын орус жер семирткичтерин жана дан азыктарын үзгүлтүксүз экспорттоо боюнча иштерин улантып жатканын айтты. Ал ошондой эле, Украинадан дан экспорттоо боюнча келишимдин мөөнөтүн узартууга кызыкдар экенин билдирди.

Телеканалдын маалыматы боюнча, сүйлөшүүдө түрк президенти Орусия менен Украинанын ортосундагы туткундарды алмашуунун аяктаганына кубанычта экенин билдирген. Эрдоган Путинди украин тарап менен сүйлөшүүлөрдү улантууга үндөп, бул маселеде жардам берүүгө даяр экенин билдирди.

Кремлдин басма сөз кызматы Владимир Путин түрк кесиптешине Түркиянын дан келишими боюнча келишимдерге жетишүүсүнө кошкон салымы үчүн ыраазычылык билдиргенин билдирди. Россиянын президенти азык-түлүк келишиминин алкагында Россия Федерациясынан азык-түлүк жана жер семирткичтерди алып келүүгө коюлган чектөөлөр алынып салынышы керек экендигине дагы бир жолу көңүл бурду.

Мындан тышкары, Путин Орусия БУУнун Коопсуздук Кеңешине «Түндүк Агым 1» жана «Түндүк Агым 2» газ куурларындагы инциденттерди, анын кесепетинен түтүкчөлөр жабыркаганын тез арада талкуулоого чыгарарын билдирди.

Сүйлөшүүдө Путин Эрдоганга Донецк жана Луганск элдик республикаларынын, Херсон жана Запорожье облустарынын бир бөлүгүнүн Орусияга кириши боюнча референдумдун жыйынтыгы тууралуу айтып берди. Ал бардык төрт плебисциттин жүрүшүндө добуш берүү эл аралык укуктун нормаларына жана принциптерине ылайык өткөндүгүнө көңүл бурду.

23-сентябрдан 27-сентябрга чейин ДЭР, ЛЭР, Херсон жана Запорожье областтарында референдум өттү. Добуш берүү учурунда төрт аймактын тургундары тең Орусияга кошулууну колдошкон. Бирок Түркия плебисциттин жыйынтыгын таануудан баш тартты.

Булак: NazarNews.kg