NazarNews.kg маалымат агенттиги саясатчы Равшан Жээнбековго Атамбаев менен Жээнбековдун күндөн-күнгө курчуп бараткан тирешин эмне токтотушу мүмкүн деген суроо узаттык.

-Бул конфликт токтобойт. Бул тарыхта калчу саясий конфликт болот. Саясий күчтөрдүн, медианын токтотууга аракет кылуусунун деле зарылчылыгы жок. Бул саясат. Мурдагы президент менен азыркы президент каалап-каалабай, билип-билбей өлкөдө саясий атаандаштык, бийлик-оппозиция, ачыктык, бири бирин контрол баалуулуктарын жаратышууда.

Бул жалпысынан өлкө үчүн жакшы көрүнүш. Негизи, эми, эки тарап тең, компромат, таарынычтардан өйдө көтөрүлүп, өлкөнүн келечеги, экономика, жумушсуздук, тышкы саясат сыяктуу конструктивдүү талаш-тартыштарга, идеяларга дагы өтүшү керек.

Булак: NazarNews.kg