АКШнын президенти Жо Байден Сауд Арабияга 2022-жылы мунай өндүрүүнү кыскартуунун “кесепеттери” болот деп убада кылгандан кийин, өлкөнүн мураскор ханзаадасы Мохаммед ибн Салман аль-Сауд Вашингтон менен мамилени үзөм деп коркуткан. Бул тууралуу Washington Post гезити Пентагондун жашыруун документтеринин ачыкка чыгып кеткенине таянып жазды.

Байден энергетикага болгон кымбатчылыктын жана АКШда боло турган шайлоонун шартында мунай өндүрүшүн кыскартуу чечимине байланыштуу Сауд Арабиясын ачык сынга алды.

Washington Post белгилегендей, Сауд Арабиясынын өкмөтү коомчулук алдында "өзүнүн аракеттерин дипломатиялык билдирүүлөр менен сылык коргоду". Бирок жеке маегинде мураскер ханзаада Мохаммед ибн Салман "ондогон жылдардан бери келе жаткан АКШ-Сауд мамилесин түп-тамырынан бери өзгөртөм" деп, АКШны "олуттуу экономикалык чыгымдар" менен коркутту.

Жашыруун документтер мураскор ханзаада “мындан ары АКШнын администрациясы менен мамиле түзбөйт” деп билдиргенин көрсөтүп турат.

Сегиз ай өттү жана Байден дагы эле Эр-Риядга эч кандай санкция киргизе элек жана Мохаммед ибн Салман АКШнын жогорку өкүлдөрү менен байланышын улантууда – ушул аптада ал Сауд Арабиянын Жидда шаарында АКШнын мамлекеттик катчысы Энтони Блинкен менен жолугушту.

Мураскор ханзааданын коркутуусу түздөн-түз АКШ расмийлерине берилгенби же телефон тыңшоо аркылуу тыңшалып калганбы, азырынча белгисиз, бирок анын "эмоциясынын чыгышы" коопсуздук үчүн мунайга негизделген мамиледеги чыңалууну көрсөтүп турат. Кырдаал тездик менен өзгөрүп жатат, анткени Кытайдын Жакынкы Чыгышка кызыгуусу артып, Америка Кошмо Штаттары анын кызыкчылыктарын дүйнөдөгү эң ири мунай өндүрүүчү катары баалоодо.

Эске сала кетсек, Сауд Арабиянын АКШ менен мамилеси акыркы жылдары начарлап кеткен. Байден буга чейин мураскор ханзаада Мухаммед ибн Салманды журналист Жамал Хашоггини өлтүргөн деп айыптап, падышалык шылуун мамлекетке айланганын айткан. Саудиялыктар ошондой эле Байден Ирандын өзөктүк келишимин кайра жандандырууга аракет кылып жатат деп кооптонууда.

Булак: NazarNews.kg