Шайлоочу бюллетендердин бирин албай коюууга укуктуу. Бул тууралуу БШКнын басма сөз кызматы билдирет.

Маалыматка ылайык, эгер шайлоочу бир мандаттуу талапкерлердин бирине добуш бергиси келбесе, ал бюллетенден баш тартууга укуктуу. Мындан тышкары, эгер ал партияга же партиядан көрсөтүлгөн талапкерге добуш бергиси келбесе, анда ал  шайлоо документин алуудан баш тарта алат. Бирок бул учурда анын шайлоого катышканы эсепке алынат.

Шайлоо 28-ноябрга белгиленген. Жогорку Кеңештин 54 депутаты пропорционалдык система боюнча (саясий партиялардын талапкерлеринин ачык тизмелери боюнча) бир округдан, калган 36 депутат бир мандаттуу чөлкөмдөрдөн мажоритардык система боюнча шайланат.

Булак: NazarNews.kg