Өлкөдө 20-майда күтүлүп жаткан жаан-чачынга байланыштуу тоолуу аймактарда жана тоо этектеринде сел жүрүшү ыктымал. Бул тууралуу Кыргызгидромет билдирди.

Маалыматка ылайык, дарыяларда суунун деңгээли да жогорулашы мүмкүн.

Ошондой эле Каракол - Эңилчек автоунаа жолунун 76-86-чакырымдарына (Чоң-Ашуу ашуусу) кар күрткүсү жана кар көчкү түшүү коркунучу күтүлөт.

Мындан улам мекеме айдоочуларга унаалардын ортосундагы 500 метр аралыкты сактап, малчыларга жайлоого чыкпай кое туруусун эскертти.

Булак: NazarNews.org