www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кытай Америка элине үмүт артып, аны менен мындан ары да дос болууну каалайт, Кытай менен АКШнын ортосундагы мамиле адамдарга негизделген. Бул тууралуу Кытайдын төрагасы Си Цзиньпин жума күнү Билл Гейтс менен жолугушууда айтканын NazarNews маалыматтык агенттигине Кытайдын CCTV plus агенттиги билдирди.
“Сиз менин быйыл Пекинде жолуккан биринчи америкалык досумсуз”,- деди Кытай лидери.
Дүйнө коронавирустук пандемиядан айыгып жатканын белгилеген Си Цзиньпин: "Мен Кытай-АКШ мамилелеринин пайдубалын адамдар түзөт деп көп айтам. Биз ар дайым Америка элине үмүт артабыз жана эки элдин достугу уланат деп ишенебиз",- деп кошумчалады.
Си Цзиньпин Гейтске жана анын фондуна глобалдык жакырчылыкты кыскартууга, саламаттыкты сактоого, өнүгүүгө, коомдук жыргалчылыкка жана кайрымдуулукка көмөктөшүүдөгү узак мөөнөттүү милдеттенмелери үчүн ыраазычылык билдирди.
“Кытай биринчи кезекте өзүнүн көйгөйлөрүн чечүүгө багытталган”,-деп улантты Си Цзиньпин.
Ал белгилегендей, 1,4 миллиард калкы бар өлкөдө узак мөөнөттүү туруктуулукту жана туруктуу өнүгүүнү сактоо – бүткүл дүйнөдө тынчтыкты жана гүлдөп-өнүгүүнү камсыз кылууга кошкон маанилүү салым.
“Биз жакырчылыкка каршы күрөштөгү жетишкендиктерди бекемдеп, айыл аймактарын жандандырып, айыл жергесинде саламаттыкты сактоонун деңгээлин тынымсыз жогорулатууга тийишпиз”, - деди Кытай лидери.
Булак: NazarNews.kg
< Предыдущий
Следующий >
Последние новости
