Канаданын Коргоо министрлиги орус-украин чек арасында жаңжал чыгып кетүү коркунучунан улам Украинага атайын күчтөрдүн отрядын жөнөттү, деп билдирет Global News булактарына таянуу менен.

Аскердик ведомство отряддын негизги милдети эки мамлекеттин чек арасында кырдаал курчуп кеткен учурда канадалык дипломаттарды эвакуациялоо планын иштеп чыгуу экенин белгиледи. Азырынча Коргоо министрлиги да, Канада өкмөтү да расмий маалыматты тастыктай элек.

Телеканал канадалык аскерлердин болушун НАТО союздаштарынын Орусиянын Украинага "баскынчылыгын" чектөө жана Киевге жардам берүү жолдорун аныктоо аракети деп атады.

Булак: NazarNews.kg