Жашы жете элек кызга карата сексуалдык мүнөздөгү зомбулукка шектелген жаран кармалды, деп билдирди бүгүн, 26-апрелде Чүй ОИИББинин басма сөз кызматы.

6-февралда Сокулук районунун тургуну милицияга кайрылып, ал кошунасын 2022-жылдын декабрынан бери кызын кордоп жатат деп айыптаган.

Андан соң милиция КР Кылмыш-жаза кодексинин 158-беренеси («Адепсиз жоруктар») боюнча кылмыш ишин козгоду. Жүргүзүлгөн иликтөө иштеринин алкагында экспертиза дайындалып, анын жыйынтыгында кылмышка 1980-жылы туулган А.М.Бнын тиешеси бар экендиги аныкталган. Ал убактылуу кармоочу жайга киргизилип, кийинчерээк камакка алынган.

Ал кишиге кылмыш иши козголуп, иш Сокулук райондук сотуна жөнөтүлгөн.

Булак: NazarNews.kg