Соль-Илецктен келгендердин арасынан 41 жаран Баткен облусунун тургундары. Бул тууралуу бүгүн, 21-майда өкмөттүн Баткен облусундагы ыйгарым укуктуу өкүлүнүн орун басары Чынар Осмонова маалымат жыйында айтты.
Маалыматка ылайык, алардын ичинен 5 кишиден коронавирус аныкталып, жарандар учурда Бишкек шаарында дарыланып жатышат.

"5 жараныбыз учурда Бишкек шаарында изоляцияга алынып, дарыланып жатышат. Калган 36 жараныбыздын тапшырган анализдери таза чыкканына байланыштуу облуска жөнөтүлгөн. Баткенде 7 адам вирусту алып жүргөн адам менен байланышта болгондуктан, аларды Лейлек районунда обсервацияга алганбыз. Ал эми калган 25 жаран катуу көзөмөлдө үй карантинине алынды жана 4 жаран жолдо келе жатат", - деди Осмонова.

Булак: NazarNews.org