www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Чүй облустук соту Жолдошбек Сыргаковдун журналист Канышай Мамыркуловага каршы апелляциялык арызын канааттандырган жок. Мындай чечимди аталган сот 8-августта кабыл алды.
Буга чейин журналист Мамыркулова Байтик айылдык кеңешинин депутаты Жолдошбек Сыргаковдун Фейсбук социалдык тармагында тараткан видео тасмасы кадыр-баркына шек келтиргенин айтып, сотко кайрылган.
Аламүдүн райондук соту журналисттин арызын негиздүү деп таап, Сыргаковду 5500 сомдук айып төлөөгө милдеттендирген. Бирок райондук соттун чечимине макул болбогон Сыргаков облустук сотко апелляциялык арыз жазган. Арызы бүгүн каралып, канааттандырылган жок.
Сыргаков сотто видеодо Мамыркулованын кадыр-баркына шек келтирген сөз айтылбаганын, ал баракчасынан өчүрүлгөнүн жана сот видеону көрбөй туруп чечим чыгарганын айтты.
Журналист Канышай Мамыркулова бийликтин кемчиликтерин ачык сындаганы менен белгилүү. Ал мындай позициясы үчүн социалдык тармактарда негизсиз каралоого кабылып жатканын айтып келет.
Булак: NazarNews.kg
< Предыдущий
Следующий >
Последние новости
