Казыбек Белековдун «Мамлекеттик төңкөрүш» аттуу китеби жарык көрдү. Китепте 7-8-августтарында мурдагы президент Алмазбек Атамбаевдин Кой-Таштагы үйүндө болуп өткөн окуялар чагылдырылган.

Китепте 2019-жылдын 7-8-августтарында мурдагы президент Алмазбек Атамбаевдин Кой-Таштагы үйүндө болуп өткөн окуялар, анын тарапташтары тарабынан уюштурулган башаламандыктар иликтөөгө алынган.

Атамбаев жана анын тарапташтары кур шылтоолорду жамына Мыйзамга баш ийбей, а түпкүлүгүндө бийликти басып алуу аракеттерин көрүшкөндүгү Кой-Таш окуясынын жүрүшүндө, жабырлануучулардын, күбөлөрдүн жана кылмышка шектүүлөрдүн көрсөтмөлөрүндө белгилүү болгон.

Эске салсак, Кой-Таш окуясынан кийин Алмазбек Атамбаев камалып, бир нече беренелер боюнча кылмыш иши козголгон. Атамбаев президенттиктен кетип, Кой-Таш окуясынын орун алганына быйыл 2 жыл болду.

Алдыда NazarNews маалымат агенттиги «Кой-Таш окуясы...» же «Атамабаевдин ишке ашпай калган мамлекеттик төңкөрүшү» атту китептен үзүндүлөрдү чагылдырып турат.

Булак: NazarNews.kg