www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Жалал-Абад облусунун Базар-Коргон районундагы Могол айыл өкмөтүндө кудукта каза болгон жарандар таза суу боюнча иш алып барган ишкананын жумушчулары экендиги белгилүү болду. Бул тууралуу Жалал-Абад облустук ички иштер башкармалыгынын маалымат кызматы билдирди.
Учурда алардын өлүмүнүн себебин аныктоо максатында соттук-медициналык экспертиза дайындалып, тергөө амалдары жүрүүдө.
Маалым болгондой, 15-июлда райондук милициянын нөөмөт бөлүмүнө Моголдун Чарбак айылында суу түтүктөрүн оңдоо иштерин жүргүзүп жаткан эки кызматкердин сөөгү табылгандыгы тууралуу билдирүү түшкөн.
Базар-Коргон РИИБинин ыкчам-тергөө тобу жерине барып, сөөктөргө сырттан кароо жүргүзгөн учурда алардан эч кандай жараат байкалган эмес. 2,5 метр тереңдиктеги кудуктун ичинде суу жок болгон.
Бул окуя райондук милиция тарабынан Кылмыш жана жоруктардын бирдиктүү реестрине табылган өлүк болуп катталып, сотко чейинки өндүрүш иши ачылган.
Каза болгон жарандар Базар-Коргон районунун 45 жаштагы тургуну К.Т. жана Чүй облусунун Сокулук районунун 18 жаштагы жашоочусу А.К. экендиги такталды. Тергөө амалдары жүрүүдө.
Булак: NazarNews.kg
< Предыдущий
Следующий >
Последние новости
