Орусиялык ырчы Дима Бидандын продюсери, белгилүү фигурист Евгений Плющенконун жубайы Яна Рудковская үч уулдун энеси экени баарыбызга маалым. Учурда продюсер жолдошу жана кенже уулу менен Мальдивада эс алып жүргөн жеринен денеси ачык сүрөттөрү менен бөлүшүп, интернет айдыңында бир топ чууну жаратты. Эки тарапка бөлүнгөн сынчылардын бири “Жылаңач сүрөткө түшкөндөн уялбайбы?” дешсе, бири “Үч уулду жарыкка алып келип, өзүнүн курагынан жаш көрүнгөн Янага жараша берет” деп кайым айтышууда. Ал эми Яна бул тууралуу: “Бул нерсенин эч уяты жок. Өзүңөрдүн жашооңор менен алек болгулачы!” деп комментарийледи.

Аруужан Булекбаева, NazarNews.kg