СҮРӨТ - Кыргыз жигити сулуулар сынагында 3-орунду алды

Журналист: NAZARNEWS

13.11.2019, 23:48

26761

коом

6-ноябрдан 13-ноябрга чейин Япониянын Токио шаарында өткөн мырзалар арасында “Mister Universal Ambassador” сынагы жыйынтыкталып, байге ээлери жарыяланды. Бул тууралуу аталган сынак өзүнүн Инстаграмм баракчасына жазып чыкты.

Маалыматка ылайык, сынакка 54 мамлекеттин мырзалары катышкан. Кыргызстандын атынан Насыр Тургунбаев катышып 3-орунга ээ болду. Ал эми 2-орунду Таиланд, 1-орунду Греция, гран-прини Доминика Республикасы ээлеген.

“Mister Universal Ambassador” жыл сайын мырзалар арасында өтүп туруучу абройлуу сынактардын бири. Быйыл аталган сынакка 54 мамлекеттин мырзалары катышты. Биздин өлкөнүн атынан катышкан Насыр Тургунбаев 20 жашта. Ал жергебизде өткөн “Mister Universal Ambassador Kyrgyzstan” сынагында баш байгеге ээ болгон. Токио шаарында өткөн дүйнөлүк сынакта дагы алдыңкы үчилтикке кирип отурат. Бул чоң жетишкендик”,- дейт Тургунбаевдин менеджери Алим Серебров.

Тургунбаевдин менеджери мындан сырткары ага өлкө тарабынан эч кандай колдоо болбогонун, жыл сайын катышуучуларды сынакка өздөрү демөөрчүлөрдүн күчү менен жөнөтүшөрүн кошумчалады.