Чыгармачылыктан бир аз алыстап, жеке жашоосу менен алек болуп жүргөн ырчы Султан Садыралиев акыркы учурда Казакстанга байма-бай каттачу болду. “Кымбатым” аттуу жаңы ырын жарыкка чыгарып коюп, кайрадан Алматыга сапар тартып жаткан Султан:

“Менин атам кыргыз, апам казак кызы. Ошондуктан, тайларыма көп барам. Домбрада кыл ойнотуп ырдаганым да бекеринен эмес. Чыгармачылык изденүү кылып, казак кесиптештер менен тыгыз байланышта болуудамын. Эки элдин ынтымагы маданиятта эмеспи. Алматага бир барганда бир жума же он күн жүрүп кайра кайтам”, - деп билдирди.

Аруужан Булекбаева, NazarNews.kg